సరస్వతీ ప్రార్థన

తే.గీ. వందనాలు విద్యల తల్లి వందనాలు
వందనాలు వీణా పాణి వందనాలు
వందనాలమ్మ వాగ్దేవి వందనాలు
వందనాలు నీకున్ వంద వందనాలు!

- జిగురు సత్యనారాయణ

విఘ్నేశ్వర ప్రార్థన

ఆ.వె. వక్ర తుండ ప్రథమ వందిత జగదీశ
విశ్వనాథ పుత్ర విఘ్న రాజ
సిద్ది బుద్ది దాత శివ తనయ గణేశ
పరమ భక్త వరద పాహి పాహి!

ఉ. సన్నుతి చేసెదన్ పరమ శంకర పట్టిని పార్వతీ సుతన్
పన్నగ జంద్య ధారి ఘన పాతక హారిని విఘ్న రాజునిన్
విన్నతి వీనులొందనరవింద సుమంబుల పూజ సేతు నే
కన్నులు మూసి వేడెద వికార విశిష్ట విరూప ధారినిన్!
- జిగురు సత్యనారాయణ