Showing posts with label విజయ కాంక్ష. Show all posts
Showing posts with label విజయ కాంక్ష. Show all posts

Wednesday, June 4, 2008

విజయ కాంక్ష

నిరాశను నిర్జించి
నిస్పృహని వర్జించి
నిన్నును నీవు
మిన్నగ యెంచి
అన్ని శక్తులు ధారవోసి
వేదన మాని
సాధన ఖడ్గం పూని
సోమరితనాన్ని
ఓటమి భయాన్ని
నిట్టనిలువుగా నరికివేసి
విజయ కాంత నొసటి తిలకమై
విహరిస్తూ వికసిస్తూ
గుండె బలం బుద్ది బలం
నిండుగున్న జయం జయం
అంటూ
నినదిస్తూ వినుతిస్తూ
ఓటమిని నిరసిస్తూ
గెలుపు వెలుగుకై పయనిస్తూ
ప్రయత్న లేముల పరిహసిస్తూ
నిరుత్సాహకరుల నిర్భరిస్తూ
ఉత్తేజం ఉత్సాహం
ఉవ్వెత్తున ఎగయ
ఉదయాద్రి ఉషస్సు
ఇనబింబ తేజస్సు
ముఖబింబమందు మెఱయ
విజయమే కలవరింతగ
విజయమే పలవరింతగ
విజయమే అంతటంతటా
అనువదిస్తూ అనుకరిస్తూ
అనుసరిస్తూ
విశ్రమించక విసుగు చెందక
విడిచి పెట్టక సాగిపో
నిశీధి లేదు నిర్వేదం రాదు
నిస్తేజం లేదు నిర్భాగ్యం రాదు
జయము నీదే ముదము నీదే
పరిశ్రమ ఫలితం నీదే
విజయ కాంత నిరంతర
దరహాస భాసురం నీదే
నీదే నీదే నీదే
- సత్య